Minimumi i aktivitetit fizik që duhet të kryesh në javë është me pak se sa mendon.
Cili është minimumi i ushtrimeve që më duhet çdo javë?
Gjithmonë lexojm se aktiviteti i rregullt fizik përmirëson shëndetin tonë. Por jo të gjithëve na pelqen të kryejm aktivitet fizik. Dhe kështu lind pyetja, cili është minimumi I aktivitetit fizik që duhet të bëj për të marrë një përfitim?
Nuk jeni i vetmi që nuk ju pëlqejn ushtrimet: vetëm 20% e të rriturve të moshës së mesme dhe tëmoshës së tretë shpenzojnë të paktën 15 minuta në javë në aktivitet fizik të fuqishëm. Me “aktivitet të fuqishëm fizik”, nënkuptoj aktivitetin në të cilin është e vështirë të flasësh ose të këndosh kur e bën atë, si vrapimi ose ushtrime të caktuara fizike.
Por cili është minimumi që duhet të bëni vërtet? Kam një lajm të mirë. Një studim i fundit i kryer nga shkencëtarë në mbarë botën, arrin në përfundimin se nuk keni nevojë për aq shumë aktivitet fizik çdo javë për të pasurpërfitime të konsiderueshme shëndetësore.
Studimi përfshiu rreth 72,000 njerëz (shumica midis 50 dhe 80 vjeç). Të gjithë pjesëmarrësit ishin pa sëmundje të zemrës ose kancer të diagnostikuar në fillim të studimit. Një pikë e fortë e studimit ishte se sasia e aktivitetit të fuqishëm fizik që bënin njerëzit gjurmohej nga një pajisje që maste nivelin e tyre aktual të aktivitetit. (Shumë studime të kaluara thjesht u mbështetën te pjesëmarrësit për të raportuar aktivitetin e tyre fizik, i cili mund të ishte i pasaktë.) Shëndeti i pjesëmarrësve në studim u ndoq përgjatë pesë viteve.
Edhe njerëzit që bënin vetëm 15 minuta në javë aktivitet fizik të fuqishëm kishin një rrezik 17% më të ulët të vdekjes nga çdo shkak dhe vdekjes nga kanceri krahasuar me njerëzit që ishin joaktivë. Me rreth 50 minuta në javë, vdekja nga çdo shkak u ul me 36%. Reduktimi i rrezikut të vdekjes nga të gjitha shkaqet dhe vdekjes nga kanceri ishte më i lart në 40 minutat e para të aktivitetit të fuqishëm fizik. Por, vdekja nga sëmundjet e zemrës vazhdoi të bjerë ndjeshëm me çdo minutë shtesë përtej 40 minutave.
Nëse aktiviteti i fuqishëm fizik nuk ju tërheq menjëherë, aktiviteti fizik i moderuar si ecja e shpejtë – për të paktën 150 minuta në javë dhe në mënyrë ideale 300 minuta në javë – gjithashtu ka përfitime të vërtetuara shëndetësore. Por nëse jeni gati për të paktën një aktivitet fizik të fuqishëm, synoni për 40 minuta në javë. Nuk është e thënë që aktiviteti të kryhet menjëherë. Mund ta ndani aktivetitn tuaj fizik në pjesë të cilat i shtohen objektivit tuaj në fund tv javës. Disa nga këto pjesë të shkurtra mund të jenë gjëra që po i bëni gjithsesi, si ngjitja e shkallëve.
Por nëse ju pëlqen aktiviteti fizik sepse ndiheni mirë gjatë dhe pas atij aktiviteti, jini aq aktiv sa të mundeni: do të merrni përfitime shtesë shëndetësore me çdo minutë më tepër.
Është kthimi më i mirë i investimit që do të merrni ndonjëherë.