Nëse vuani nga artriti në gju atëherë qëndroni aktiv duke u ngrohur, duke rregulluar rutinën tuaj të stërvitjes dhe duke vendosur akull tek gjunjët pas stërvitjes.
Tanimë ju mund të jeni të njohur me dhimbjen, ënjtjen dhe ngurtësimin që sinjalizon një shpërthim të osteoartritit të gjurit. Kur kjo ndodh ju filloni të kufizoni akitivitetet tuaja derisa gjuri të qetësohet.
Edhe pse kjo mund të jetë dicka positive për disa aktivitete, kjo nuk do të thotë që ju duhet të ndaloni së ushtruari për të mbrojtur gjurin tuaj. Në fakt, stërvitja është një mënyrë e rëndësishme për ta mbajtur nyjen fleksibël. Thjesht do t’ju duhet të bëni ushtrime pak më ndryshe derisa gjuri të qetësohet.
Por cilat janë rreziqet e ushtrimeve kur gjuri është i ënjtur nga artriti?
Rreziku më i madh është shkaktimi i acarimit të mëtejshëm të kyçit. Osteoartriti është një proces i gjatë dhe i ngadaltë degjenerues që ndodh kur kërci ose amortizimi midis kockave të gjurit konsumohen. Në rastin më të keq, aktivitetet që irritojnë kyçin mund të përkeqësojnë këtë ndryshim degjenerues ose të shkaktojnë dëme strukturore, ato gjithashtu mund të shkaktojnë më shumë dhimbje dhe ulje të funksionit.
Çfarë lloje aktivitetesh mund të irritojnë gjurin?
Duhet të përpiqeni të reduktoni presionin dhe fërkimin në gju. Presioni vjeng nga aktivitete të tilla si vrapimi, tenisi, basketbolli, futboolli ose ecja në distanca të gjata. Gjithashtu nga aktivitete si përkulja e thellë e gjurit ose goditjet e gjurit që kërkojnë që ju të përkuleni dhe të mbani një pozicion gjuri të përthyer për një periudhë të gjatë. Këto aktivitete mund t’i përkeqësojnë simptomat e artritit të gjurit dhe ju duhet ta shmangni atë në mënyrë që nyja të qetësohet.
Cilat lloje të aktiviteteve janë të sigurta kur artriti ju shqetëson?
Varet nga simptomat tuaja, ashpërsia e tyre dhe shëndeti juaj i përgjithshëm. Ndonjëherë thjesht ulja e stresit fizik të një aktiviteti është gjithçka që duhet për të qetësuar gjurin. Pra, mund të kryeni aktivitete me më pak intensitet ose bëni shëtitje të shpejta në vend që të shkoni për vrap.
Por përgjithësisht na pëlqen të inkurajojmë aktivitete që lehtësojnë presionin dhe fërkimin në gju, të tilla si përdorimi i një biçiklete të palëvizshme, praktikimi i yogës, noti, ose ecja në në terrene të sheshta.
Forcimi i pjesës së poshtme të trupit mund të jetë gjithashtu mjaft i dobishëm. Për shembull, muskujt më të fortë të këmbëve ndihmojnë në lehtësimin e dhimbjes së gjurit, pasi thithin një pjesë të presionit që vendosni mbi gjunjë.
Por përsëri, qëndroni larg ushtrimeve që mund të irritojnë gjurin. Një rregull i përgjithshëm është që stërvitja nuk duhet të rrisë dhimbjen ose ënjtjen gjatë ose pas aktivitetit.
A ka ndonjë gjë që duhet të bëni përpara një stërvitje kur keni simptoma artriti në gju?
Disa njerëz mund të marrin medikamente anti-inflamatore josteroidale si ibuprofen (Advil, Motrin) përpara një aktiviteti. Megjithatë, përdorimi i rregullt i këtyre barnave ka efekte anësore dhe mund të shoqërohet me ulçera në stomak dhe rritje të rrezikut të sulmit në zemër, goditjes në tru ose dështimit të veshkave.
Në vend të kësaj, është më e sigurt të ngroheni para aktivitetit. Liron nyjen e gjurit dhe muskujt që veprojnë në të. Të shpenzosh 10 minuta në një biçikletë të palëvizshme është gjithashtu e mrekullueshme. Nëse gjuri juaj është mirë pas ngrohjes, atëher duhet të jeni në formë të mirë për tu stërvitur.
Çfarë duhet të bëni pas një stërvitje kur keni simptoma të artriti në gju?
Provoni të lyeni gjurin me një gel antiinflamator pas një stërvitje për të ulur inflamacionin. Gjithashtu mund të vendosni akull në gju i cili shërben për të ulur dhimbjen dhe inflamacionin. Por nëse keni vazhdimisht simptoma të artrit në gjurin tuaj atëherë merrni parasysh ose të hiqni pak kohë nga stërvitja ose të ulni intensitetin. Kjo mund të nënkuptojë ndryshimin e llojit të ushtrimeve që bëni ose zvogëloni sasinë e kohës që kaloni duke ushtruar për çdo stërvitje. Mund të ndihmojë të bëni disa stërvitje 10-minutëshe çdo ditë në vend të një rutine 30 ose 60-minutëshe.
Nëse vazhdoni të keni simptoma edhe pasi keni reduktuar aktivietin tuaj atëherë është mire që të kryeni një vizit tek një mjek specialist apo fizioterapist.
Dëgjoni trupin tuaj. Lëreni dhimbjen të jetë udhërrëfyesi juaj. Por shmangni periudhat e gjata të pasivitetit. Qëndroni sa më aktiv.