Si të flemë mirë pavarësisht dhimbjeve kronike
Dhimbja kronike dhe pagjumësia janë një kombinim jo i shëndetshëm. Sipas Fondacionit Kombëtar të Gjumit, dhimbja kronike shqetëson gjumin e një në pesë amerikanë të paktën disa netë në javë. Pavarësisht nëse vjen nga një shpinë jo e shëndetshme, artriti apo dhimbje koke, dhimbja kronike bëhet më e rrezikshme kur shkakton probleme me gjumin. Shqetësimet shtohen, dhimbja ju heq gjumin e qetë dhe ju bën të ndiheni më të lodhur, e kështu më të ndjeshëm ndaj dhimbjes.
Por ky rreth vicioz mund të thyhet
Për dhimbjet kronike, ajo që ju nevojitet janë zakone të mira të gjumit të cilat duhet të në zgjiasin kohë. Kjo do të thotë të mbështetesh sa më shumë në nxitjen natyrale të gjumit të trurit.
Provoni “shpërqëndrimin relaksues”
Disa teknika relaksimi përdorin meditimin bazë të frymëmarrjes ritmike; të tjerët fokusohen në imazhet e drejtuara, në të cilat imagjinoni të jeni në një vend të qetë dhe paqësor. Gjeni diçka që ju tërheq dhe ju ndihmon të bini në gjumë.
Rikthimi në gjumë
Për disa njerëz, dhimbja kronike jo vetëm që e bën më të vështirë rënien në gjumë, por gjithashtu mund të ndërpresë atë. Thjesht zhvendosja e pozicionit në shtrat mund të shkaktojë dhimbje, qoftë ajo një gjendje e shpinës ose gjurit me artrit.
Një qasje është që të merrni ilaçet e dhimbjes menjëherë para gjumit. Kontrolloni me mjekun tuaj për t’u siguruar që përshtatet me planin tuaj të trajtimit. Nëse dhimbja ju zgjon në mes të natës, provoni fillimisht meditimin, vizualizimin ose çfarëdo shpërqendrimi relaksues që ju favorizoni. Por nëse nuk funksionon, ngritja për të lexuar një libër në një dhomë të qetë me dritë të ulët mund t’ju ndihmojë të flini përsëri. Shmangni tingujt e lartë dhe dritën e ndritshme (që do të thotë televizorë, celularë, tabletë dhe kompjuter).
Qëndrimi në një orar të rregullt të gjumit është gjithashtu i rëndësishëm. Shkoni në shtrat në të njëjtën orë çdo natë dhe pavarësisht se si shkon nata, ngrihuni të nesërmen në të njëjtën kohë dhe qëndroni zgjuar deri në kohën e planifikuar të gjumit. Kjo ndihmon për të vendosur orën tuaj të brendshme të gjumit dhe përmirëson lëvizjen natyrale të gjumit.
Asnjë përmbajtje në këtë faqe, pavarësisht datës, nuk duhet të përdoret kurrë si zëvendësim për këshillat e drejtpërdrejta mjekësore nga mjeku juaj ose një specialist tjetër i kualifikuar.