Nëse kohët e fundit jeni ndjerë të lodhur atëherë është mire të ushtroheni më shumë. Por si do ta ndihmojë kjo nivelin tuaj të energjisë? A nuk do t’ju bëjë të ndiheni më të lodhur?
Mund të tingëllojë e çuditshme, por është e vërtetë që lëvizja më shumë mund t’ju ndihmojë të keni më shumë energji, nëpërmjet disa mekanizmave.
Brënda trupit tuaj ndodhin ndryshime në nivel qelizor teksa ju stërviteni apo bëni ushtrime të ndryshme. Stërvitja nxit trupin tuaj të prodhojë më shumë mitokondri brenda qelizave tuaja të muskujve. Mitokondritë njihen si qendrat e energjisë së qelizave, sepse ato krijojnë lëndë djegëse nga glukoza, ushqimi që hani dhe oksigjeni nga ajri që thithni. Duke pasur më shumë prej tyre rritet furnizimi me energji në trupin tuaj.
Ushtrimi gjithashtu rrit qarkullimin e oksigjenit brenda trupit tuaj. Kjo rritje e oksigjenit jo vetëm që mbështet prodhimin e energjisë së mitokondrive, por lejon trupin tuaj të funksionojë më mirë dhe të përdorë energjinë e tij në mënyrë më efikase. Plus, trupi juaj merr një nxitje nga një rritje e shkaktuar nga ushtrimet në nivelet e hormoneve që ju bën të ndiheni më energjik.
Përveçse ndihmon trupin tuaj të krijojë dhe të përdorë energji, stërvitja e rregullt promovon gjumë më të mirë gjatë natës. Gjumi i thellë është thelbësor për shëndetin tuaj të përgjithshëm dhe për t’u ndjerë i çlodhur dhe energjik kur zgjoheni në mëngjes.
