Jeni përpjekur për shumë vite të arrini në një peshë të shëndetshme duke ushtruar por ja keni dale? Bëni shëtitje për rreth dy deri në tre orë gjithsej çdo javë, ashtu siç rekomandohet dhe përsëri nuk po humbni peshë? Jeni gati ta lini aktivitetin tuaj sepse thjesht nuk po arrini rezultatet e dëshiruara?
Por, a ka ndonjë arsye tjetër që duhet të vazhdoni aktivitetin fizik edhe pse nuk po humbni peshë?
Po ka. Mos e ndaloni stërvitjen, edhe nëse nuk mund të arrini një peshë të shëndetshme. Pse? Sepse ushtrimet e rregullta sjellin përfitime të mëdha shëndetësore edhe nëse nuk mund të arrini peshën që dëshironi. Një analizë e fundit gjithëpërfshirëse e përfitimeve shëndetësore të ushtrimeve të rregullta, e botuar më 22 tetor 2021, në revistën iScience e bën këtë pikë me zë të lartë dhe të qartë.
Ushtrimet e rregullta ju bëjnë të aftë fizikisht dhe të qenit në formë zvogëlon rrezikun e sëmundjeve të zemrës, goditjes në tru, diabetit, sëmundjes së Alzheimerit dhe vdekjes së parakohshme – edhe nëse nuk arrini një peshë të shëndetshme.
Nëse jeni mbipeshë dhe i pastërvitur, rreziku juaj për vdekje të parakohshme është dyfishi i rrezikut të dikujt që ka të njëjtën moshë dhe gjini, dhe gjithashtu është mbipeshë, por mbetet në formë dhe stërvitet rregullisht. E njëjta gjë është e vërtetë nëse pesha juaj është në kufirin e shëndetshëm: të qenit në formë zvogëlon rrezikun tuaj për sëmundje të ndryshme. Dhe nëse në vend të rrezikut tuaj për vdekje të parakohshme do të flisnim për rrezikun tuaj për një atak në zemër, një goditje në tru, diabeti ose sëmundjen e Alzheimerit, e njëjta pikë e përgjithshme do të ishte e vërtetë: ushtrimet e rregullta zvogëlojnë rrezikun tuaj, edhe nëse nuk mundeni të arrini një peshë të shëndetshme.
Një nga arsyet që njerëzit mbipeshë janë në rrezik për shëndetin e dobët është se ata kanë më shumë gjasa të kenë disa faktorë rreziku për sëmundje të ndryshme – për shembull, presioni i lartë i gjakut, kolesteroli i lartë, nivelet e larta të sheqerit në gjak etj. Ushtrimi i rregullt përmirëson të gjithë këta faktorë rreziku, edhe nëse nuk mund të arrini një peshë të shëndetshme.
Në vitin 2021, Hester Ford nga Charlotte, N.C., personi më i vjetër në Shtetet e Bashkuara, ndërroi jetë në moshën 116-vjeçare. Ajo ia atribuoi jetëgjatësinë ecjes disa km çdo ditë, madje edhe pas moshës 100. Ajo jetoi një jetë të gjatë dhe mbeti vitale deri në fund – sepse ajo thjesht vazhdoi të ecte.
