Të paturit një sëmundje autoimune mund të ketë një impact shumë të fort në jetën e një personi. Për shumë njerëz me sëmundje autoimune, lodhja është simptoma më dobësuese. Ajo ndryshon nga lodhja që shumica e njerëzve ndiejnë pas periudhave të gjata të punës ose stërvitjes ose kur nuk kanë fjetur mirë. Është një ndjenjë lodhjeje e vazhdueshme që e bën të vështirë kalimin e ditës, e lëre më pjesëmarrjen në aktivitetet e parapëlqyera.
Lodhja nuk është diçka që mjeku juaj mund të matë ose testojë. Shpesh nuk është e dukshme për të tjerët, por është shumë e vërtetë për ju.
Pse sëmundja autoimune dhe lodhja shkojnë dorë për dore nuk është kuptuar plotësisht, megjithëse inflamacioni mund të shpjegojë disa prej tyre. Faktorë të tjerë të mundshëm përfshijnë dhimbjen, gjumin e dobët, pasivitetin dhe uljen e humorit.
Nëse përjetoni lodhje që ju heq plotësisht energjinë, kjo nuk është shenjë dobësie. Mos u përpiqni ta kaloni atë. Kushtojini vëmendje trupit tuaj. Mundohuni të gjeni strategji për të menaxhuar nivelin tuaj të energjisë.
Këtu janë disa ide që mund të ndihmojnë:
Merre me qetësi. Mos u mundoni të bëni shumë. Nëse jeni të lodhur, bëni një sy gjumë ose bëni diçka qetësuese si leximi, dëgjimi i muzikës, meditimi ose një aktivitet krijues. Programoni pushimet gjatë gjithë ditës nëse kjo ju ndihmon.
Planifikoni përpara. Nëse keni energji të kufizuar, përdorini ato për aktivitetet më të rëndësishme në kalendarin tuaj. Nëse keni një ditë të ngarkuar përpara, bëni plane një natë më parë për ta bërë ditën të shkojë më lehtë.
Informoni familjen dhe miqtë. Tregojuni njerëzve me të cilët jeni afër për gjendjen tuaj dhe shpjegoni se kjo mund të shkaktojë lodhje, në mënyrë që ata të kuptojnë nëse keni nevojë të anuloni ose modifikoni planet.
Hani një dietë të shëndetshme. Ngrënia e një diete të shëndetshme mund të jetë e dobishme për këdo me një sëmundje autoimune. Në disa raste mund t’ju duhet të ndiqni disa kufizime dietike ose dieta të veçanta.
Bëni ushtrime rregullisht. Aktiviteti fizik mund ta mbajë trupin tuaj në gjendje të mirë, gjë që do të ndihmojë në rritjen e energjisë. Mundohuni të mbani një orar të rregullt ushtrimesh që mund të toleroni.
Flini mjaftueshëm gjumë. Gjumi është mjaft i rëndësishëm për të stimuluar imunitetin dhe për të rikuperuar energjitë e humbura.
Gjeni mbështetje. Sfidat e përballjes me një sëmundje kronike mund t’ju lodhin. Lodhja mendore mund t’jua pakësojë energjinë. Nëse humori juaj nuk është i mirë, bisedoni me mjekun tuaj për mënyra për të gjetur mbështetje emocionale.
